| 經過呢兩日傾莊ge discussion環節...
我發現我唔識得好自然咁同d持唔同觀點而又十分強勢ge人相處...
我轉數慢...會反應唔切...
成日都無d好有力ge理據去支持自己ge觀點...
接而仲要被d"志同道合"ge人輪住ban....
好唔舒服好無癮...
在TST多年來都太受大家照顧及遷就了吧...> <
最慘我又始終覺得人地ban我只係因為我表達得唔夠透徹...
於是又好想將自己ge觀點講得再明白d....
得閒要上多d workshop增值下先得...
等埋我慢慢適應下各方面先再考慮上什麼莊了...
不過 幸而都有唔少既nice又friendly ge人~
但係通常佢地又係無咁強勢ge一群...
又或者係暫時比較專注學業ge人...
於是乎最後都未必可以一齊上莊合作...
好多人都話咩都要試下先 要投入d
我都認同ge...
但唔知點解我真係覺得好攰....
唔想花咁多心力去試....
尤其係去左幾次唔同ge傾莊之後,
我對於搵到夾得黎ge新朋友有d灰....
一切還是隨緣了...
其實開學以黎...都唔係好想上莊....
因為真係覺得精神上好攰...
一直咁猶疑上唔上莊都只係驚之後會後悔
我怕我會後悔錯過一d透過同人地合作而變成好朋友ge機會
不過今年都係算啦...等出年再加油試下了....
我唔想搞到自己好多野煩好辛苦咁... > <
我好掛住你地ya...
始終...做起野上黎..好難一時三刻搵到人明白我又就得我...
要重新跟人建立默契令我好攰...."
雖然都有幾個好得意又好人ge細OMate,
但始終合作機會唔多...> <
原來 我在TST得到了很多無他可比擬的
起碼在一兩年間不會有
|
| |
| 成日想打xanga...但我一打就打好長...要好耐....
所以遲遲都唔打...
我忍唔住喇----- 今晚一定要打
未準備好開學都始終開左學
咩都要自己黎....真係好唔慣....以前開學咪幾容易....又方便..
依家...唉...."
有時太自由太多選擇真係唔好....
依家上堂,
自己一個float黎float去...太有聽talk feel...
我上d course通常比較少人...希望遲下可以同其他同學close d啦.. > <
唔少course都有考察~~好期待ya =]
尤別係印度教那個~~
原本道教有一次會包車上廣州即日來回ga
仲要係好好人ge游教授帶 =)
但係今日發現同世界宗教科ge一個佛教考察撞左....
唉...可能要被迫放棄道教果個考察.....超級可惜...
我覺得...自己ge文學修養真係....好低好低.....
第一堂宗教概論...講起名日本作家...
好似係村上春秀... 我真係對佢無認識...."
但我CRS d同學大部分都睇過唔少書又有唔少墨水咁...
我真係要好好加油....""
今朝兜兜轉轉又迷茫之際
有幸遇到TST人 >u<, 阿Mok同小銘
感覺真係會安心左 =]
搵SC L4果下真係好麻煩...究竟係咩樓宇設計黎ga...
有乜理由中間兩條樓梯都只係去到L1-L3,
L4就要入番左右是但一座建築物先上到.........
又無指示牌.....> <
但在L4上天文似乎會成為我每星期最期待ge時間>u<
課程吸引, 阿Sir又不錯~
課程Qualitative~
阿Sir又比較young, 講野比較接近我地, 又應該會同學生比較close~
佢又有玩天文攝影喎! 好鍾意佢d作品ya~~
佢又會11月搞camp呢~~
ha ha ha 到時臨近mid-term都好啦
我睇我點都會去的了 XPP
其實通識課真係幾正, 有好多course我都好想take ya > <
可惜成日撞時間...時間又有限....
雖然可能有人覺得CU迫人上PE好白痴
但係我又幾enjoy bor XP
而且時間好快過...一節先45分鐘...
準備得黎玩ge時間又只剩唔夠半個鐘...""
仲會玩到唔夠喉添....""
PE我上壘球 ya~~ =]
好在之前TST有教咋
唔係都未必識報...
其實真係幾好玩~~
而且唔知點解我傳接壘球會比玩其他球類有信心ga =P
仲有ya, 個阿sir好好人~又有經驗有原則~
最重要呢, 係咁先令到我每星期keep住比時間出黎做運動
唔會話因無時間而唔做~~
但係呢, 始終咩都要重新黎過真係幾累...
其實當初不斷聽見同學們如何期待大學生活
我只是想一想都覺累..."
無錯係可以好多姿多彩又有好多新機會ge...
但係我暫時都未敢投放太多時間落去d活動度....
因為本科都未能好好掌握...
而且未同其他人混熟...好無安全感...
仲有ya, 成日聽見CU d師兄師姐話
要參加多d活動識多d人係因為會識到好多一世ge朋友
見佢地講到咁感動,
我自己卻又唔係特別期待...
因為我深深覺得我早已在TST找到了不少的 =P
人地o係大學先至搵到ge果份溫馨 我早已領略過享受過呢 (kakakaka 好"懶勁"添...)
所以未係好想付出太多去換取另一份新ge... > <
不過我都想再識多d一世ge朋友ge
但係可能真係要隨緣啦
今晚感謝嫦陪我去傾院慶莊 =]
haha 我仍然係中大路痴.... 有你在安心多了~~
不過我好快就唔會再係中大路痴ga喇!! kaka
在中大跟熟人在一起會有安全感得多 會有一份可貴ge親切
朋友們...享受忙碌而精彩ge生活之餘
都請大家好好保重身子ya~~
仲有就係得閒都要約下食飯先得gak!!!
不過 又或者等大部分野都安頓落黎先啦...
加油, 仲有祝福大家~ =]
UC果度睇星真係好靚 =]
我真係好鍾意中大ge景觀 >3<
日頭有綠樹林蔭, 夜晚有浪漫星空 >u<
最衰就係太多斜路....唔就腳....
一唔熟路呢....就搞到我今朝咁...遲到左半個鐘...=v=
第一堂World Religions就咁...我真係覺得好瘀yaaaaa..
|
| |
| intranet d野無哂喇 > <
有種失落感...
再都收唔到老師同TST人ge email..
我仲有好多封unread ge mail....
同埋之前仲諗住做back-up ga嘛...
無左好多回憶添...
不過一切深刻ge都應已留左o係腦海
我仲未準備好開學 = v =...
|
| |
| 今個禮拜六又有手袋賣ya~我會去做收銀 XP
唔買都去睇下啦~ 唔少都又抵又有質素ga~
價錢幾十至幾百都有~
|
| |
| 對唔住ya...現在難得好有mood...又個胃頂住頂住訓唔到...
所以容許我打埋呢篇應該好長好長ge xanga先訓 ^^"
5D回憶camp* 實在期待已久了
足足期待左兩年
最後來到了, 亦過去了, 成了大家的回憶 =]
跟你們在一起 就是不用愁這愁那
有需要時總會有人出來幫忙 互相照顧
那種安全感和溫暖的感覺真的很窩心
很難得 所以很喜歡 =]
能夠無論隔多少年後再見都像這樣嗎?
雖然曾經擁有都經已很幸福
但我唔想失去呢份溫馨 > <
間渡假屋幾正下!
很喜歡那複式間隔 那架空的樓梯 =]
還有那個客廳~很棒~~
辛苦了一眾book camp的朋友---Amy 嫦 敏婷 阿Kie(沒有漏嗎??)
你地好叻ya~!
可惜三日都分別有人要去唔同大學reg. > <
下次要再圓滿d ge!!!
雖然我知時間好難夾..
但真的真的好想有下次----
Reg. Day 出camp當日就毫無精神咁去聽academic talk
唉...我o係教授面前恰眼訓....
文宗下的宗教研究系太少人...
想佢見唔到我恰都唔得...
希望佢唔好記得....
真係好失禮...
但係我唔夠訓...對眼皮重得不得了...
最後我仲打自己搣自己...但效用不太大.......
talk之後搞一大輪登記ge野
又累又要走黎走去... 心情很糟...
尤其係...聽talk果陣 不安的情緒已逐漸浮現...
唉...相信係由剛出5D camp又立即躍進一個完全陌生的環境所致...
跟一堆相識已久的好朋友聚了三天兩夜後
突然坐進一個完全陌生的課室
面對一個素未謀面的教授
一下子 心裏很難接受"" 很不安
在一轉眼間 那對比太大了...
那刻
突然超級掛念TST的同學, 老師跟校舍;
很難想像再都不在TST上課了;
"以後 我就在這兒上課了嗎?"
"以後的課 又會怎樣呢?"
我跟系裏的人又比較慢熱...
登記沿途雖有交談
但都總是感覺遠遠的
不過 相信都只是時間上的間題而已
只是太久沒有經歷小時候的那種分班 XP
從前小學至初中, 每次分班都要重新認識一群朋友 既緊張興奮又擔心的
但後來 幾乎全級都認識了 分班都不再是什麼大事了
現在來個大分班...我需要重拾那種適應力 =P
登記那天 我為此感到很吃力 更有點害怕...
也許是不夠訓 慌怕的感覺加倍了...
文宗細O~除了宗教研究的朋友, 還認識了不少文化研究的
我很喜歡我的組---赤立國*
有很照顧大家的組爸媽們!
很奇怪文宗細O每組好多組爸媽 XP
不過都唔係壞事~ =]
亦有很可愛很叻的組員們~
但我其實想夜晚大家傾多d計...好過淨係玩遊戲...>.<
忐忑 由交友方面轉移到了學業上 =V=""
文宗的同學們都太有文學文化修養了...
不少都雄心壯志的要讀文化研究,
於是凡是進來了文宗的, 大部分都滿肚子墨水...
我這不湯不水的理科人 =v=
唉...在他們面前 我覺得自己什麼都不懂...
在接下來幾年 我要好好培養自己的文化文學修養 =P
對這一點我很期待 XPP
不過我同時都非常期待修讀通識科中的天文學!!!!!
Qualitative 的~~很吸引 ^口^
這幾個月很漫長
不過我還需更多日假期
不想開學
我想放假
因為身心都還累...
我諗我老喇...中學時期玩太多類似leadership camp的東西...
遊踪這玩意變得沉悶了...新鮮感沒有了
亦再沒多少精力和熱情...
不過我有盡量投入ga~~
我好像還未準備好開學呢...
在這身心俱疲的個多月 幸好有你給我心靈補給* haha
多謝 >3<
|
| |
